Fréttir

Meirihluti fulltrúa bæjarráðs Akraness samþykkti á fundi sínum þann 16. mars síðastliðinn að fimleikahús verði reist við Íþróttahúsið á Vesturgötu og vísuðu ákvörðun ráðsins til samþykktar í bæjarstjórn. Fyrir lágu umsagnir skóla- og frístundaráðs og skipulags- og umhverfisráðs og var meirihluti fulltrúa þeirra ráða samþykkur staðsetningunni.

Bæjarstjórn Akraneskaupstaðar samþykkti 28. febrúar 2017 breytingu á deiliskipulagi Breiðarsvæðis vegna Breiðargötu 8, 8A og 8B. Tillagan var auglýst samkvæmt 1. mgr. 43. gr. skipulagssaga nr. 123/2010. Athugasemdir bárust og hefur þeim, sem gerðu athugasemdir, verið send umsögn bæjarstjórnar.

Svæðistónleikar Nótunnar 2017 fyrir Vesturland og Vestfirði verða haldnir í Tónbergi laugardaginn 18. mars kl. 14.

Írskir vetrardagar verða haldnir 16.-18. mars næstkomandi í annað sinn.

Atvinnuvega- og nýsköpunarráðuneytið hefur veitt Akraneskaupstað styrkveitingu úr Framkvæmdasjóði ferðamannastaða samtals 30 milljónir króna vegna verkefnisins „Guðlaug við Langasand“.

Akraneskaupstaður auglýsir eftir verkstjóra og starfsfólki við almennt viðhald, umhirðu og framkvæmdir opinna svæða í umsjón Akraneskaupstaðar.

Á lokuðum fundi bæjarstjórnar Akraness þann 28. febrúar síðastliðinn var samþykkt samhljóða að ganga til samninga við Sævar Frey Þráinsson um starf bæjarstjóra á Akranesi. Sævar tekur við starfinu af Regínu Ásvaldsdóttur sem nýlega var ráðin sviðsstjóri velferðarsviðs Reykjavíkurborgar.

Hestamannafélagið Dreyri stefnir á að fara í hópreið frá Æðarodda í dag þann 11. mars og ríða niður að Stillholti í tilefni Góugleðar og 70 ára afmæli félagsins en félagið var stofnað þann 1. maí árið 1947. Lagt verður af stað frá Æðarodda kl. 13 og riðið sjávarmegin meðfram tjaldsvæðinu, inn á Ægisbraut, síðan...

1250. fundur bæjarstjórnar Akraness verður haldinn í bæjarþingsalnum að Stillholti 16-18, þriðjudaginn 14. mars kl. 17:00. Fundirnir eru öllum opnir og eru bæjarbúar hvattir til að mæta og kynna sér bæjarmálin. Vakin er athygli á því að hægt er að hlusta á beina útsendingu frá fundinum á FM 95,0.

Þórður Guðjónsson var kjörinn formaður skóla- og frístundaráðs Akraness á síðasta fundi bæjarstjórnar, þann 28. febrúar síðastliðinn. Þórður kom nýr inn í bæjarstjórn um áramót þegar Valdís Eyjólfsdóttir fór í leyfi.