Útilistaverk

Útilist á Akranesi er lifandi þáttur í bæjarmenningunni. Víðsvegar um bæinn má rekast á skúlptúra, veggmyndir og aðrar listskreytingar sem móta umhverfið. Verkin eru eftir fjölbreyttan hóp listamanna og endurspegla þau sögu, náttúru og daglegt líf.

Hér fyrir neðan finnur þú yfirlit yfir verkin, myndir og staðsetningar til að auðvelda eigin listgöngu um bæinn.

Vinsamlegast sendið okkur ábendingu á mannlif@akranes.is ef þér finnst vanta verk á listann eða vilt tilkynna um eitthvað annað tengt verkunum.

Bjartsýni eftir Guttorm Jónsson

Verkið sem nú stendur við Bókasafn Akraness en stóð áður við hús Fjöliðjunnar við Dalbraut kallast „Bjartsýni“ og er eftir Guttorm Jónsson.

Himnaríki eftir Jónínu Guðnadóttir

Verkið Himnaríki (2000) eftir Jónínu Guðnadóttur er í eigu Akraneskaupstaðar og stendur við Vesturgötu 32.

Grettistak eftir Magnús Tómasson

Verkið ,,Grettistak" (1995) eftir Magnús Tómasson er í eigu Akraneskaupstaðar og stendur við Dvalarheimilið Höfða.

Kubbaleikur eftir Guttorm Jónsson

Verkið ,,Kubbaleikur" (1985) eftir Guttorm Jónsson er í eigu Akraneskaupstaðar og stendur við lóð Grundaskóla.

Síbería eftir Elsu Maríu Guðlaufs Drífudóttur og Guðlaug Maríasson

Verkið ,,Síbería" (2017) eftir Elsu maríu og faðir hennar Guðlaug Maríasson er í eig Akraneskaupstaðar og stendur við Akranesvita á Breið.

Minnisvarði um séra Jón M. Guðjónsson eftir Valdimar Jónsson

Minnisvarðinn um Séra Jón (2005) eftir son hans Valdimar Jónsson er í eigu Akraneskaupstaðar og stendur við Garðahús á Byggðasafninu í Görðum

Tálbeita eftir Bjarna Þór Bjarnason

Verið ,,Tálbeita" (2000) eftir Bjarna Þór Bjarnason er í eigu Akraneskaupstaðar og stendur við Elínarhöfða.

Fótboltamenn eftir Sigurjón Ólafsson

Verkið ,,Fótboltamenn" (2001) eftir Sigurjón Ólafsson er í eigu Akraneskaupstaðar og stendur á Hringtorginu Faxatorg.

Skutlan eftir Guttorm Jónsson

Verkið ,,Skutlan" (1993) eftir Guttorm Jónsson er í eigu Akraneskaupstaðar og stendur við FVA.

Hafmeyjarslysið eftir Bjarna Þór Bjarnason

Verkið ,,Hafmeyjarslysið" (1998) eftir Bjarna Þór Bjarnason er í eigu Akraneskaupstaðar og stendur við Gamla vitann á Breið.

Álfaborgir eftir Guttorm Jónsson

Verkið ,,Álfaborgir" (1984) eftir Guttorm Jónsson er í eigu Akraneskaupstaðar og stendur við Sementsverksmiðjuna á Mánabraut.

Skvísurnar eftir Bjarna Þór Bjarnason og Guðna Hannesson

Verkið ,,Skvísurnar" (2001) eftir Bjarna Þór Bjarnason og Guðna Hannesson er í einkaeigu og stendur við Skólabraut 20 og 22.

Elínarsæti eftir Guttorm Jónsson

Verkið ,,Elínarsæti" (2000) eftir Guttorm Jónsson er í eigu Akraneskaupstaðar og stendur við Elínarhöfða.

Brjóstmynd af Ingunni og Haraldi eftir Gyðu L. Jónsdóttir

Brjóstmyndin af Ingunni Sveinsdóttur og Haraldi Böðvarssyni (1974) eftir Gyðu L. Jónsdóttir er í einkaeign og stendur við Vesturgötu 32.

Pýramídísk afstraksjón eftir Ásmund Sveinsson

Verkið ,,Pýramídísk afstraksjón" (1992) eftir Ásmund Sveinsson er í eigu Akraneskaupstaðar og stendur á horni Stillholts og Kirkjubrautar.

Hnöttur eftir Philippe Ricart

Verkið ,,Hnöttur" (1998) eftir Philippe Ricart er í eigu Akraneskaupstaðar og stendur við leikskólann Teigasel.

Sjómaðurinn eftir Martein Guðmundsson

Verkið ,,Sjómaðurinn" (1967) eftir Martein Guðmundsson stendur við Akratorg á Akranesi.

Glerverk eftir Leif Breiðfjörð

Glerverkið (2001) eftir Leif Breiðfjörð er í einkaeign og stendur á hlið húss Vinaminnis.

Brjóstmynd af Þorgeiri Jósefsyni eftir Ríkharð Jónsson

Brjósmyndin (2005) eftir Ríkharð Jónsson stendur við horn Krikjubrautar og Merkigerðis

Írski steinninn

„Írski steinninn“ svokallaði, er gjöf frá írsku þjóðinni sem færði Íslendingum þennan minnisvarða á þjóðhátíðarárinu 1974.

Minnisvarði Guðmundar Jónssonar eftir Pál Guðmundsson

Minnisvarði Guðmundar Jónssonar (1997) eftir Pál Guðmundsson er í eigu Akraneskaupstaðar og stendur fyrir utan Garðahús á Byggðasafninu í Görðum.

Grásleppukarlar í Kalmansvík eftir Jón Pétursson

Verkið ,,Grásleppukarlar í Kalmansvík" (2001) eftir Jón Pétursson er í eigu Akraneskaupstaðar og stendur við Kalmansvík.

Gnýr eftir Grím Marinó Steindórsson

Verkið ,,Gnýr" (2001) eftir Grím marinó Steindórsson er í eigu Sjóvá og stendur við Garðabraut 2.

Mótþrói eftir Ármann Gunnarsson og Helgu Sólveigu Bjarnadóttur

Verkið ,,Mótþrói" (2005) eftir hjónin Ármann og Helgu í samvinnu við Bjarna Þór er í eigu einkaaðila og stendur við hesthúsahverfið Æðarodda.

Systurnar sjö eftir Guðlaug Bjarnason

Verkið ,,Systurnar sjö" (1994) eftir Guðlaug Bjarnason er í eigu Akraneskaupstaðar og stendur við tjörnina í Garðalundi.

Hringrás eftir Ingu Ragnarsdóttur

Verkið ,,Hringrás" (2008) eftir Ingu Ragnarsdóttir er í eigu HVE og stendur fyrir utan Heilbrigðisstofnun Vesturlands á Akranesi.

Stúlkan með Löngu eftir Guðmund Einarsson

Verkið ,,Stúlkan með Löngu" (1955) eftir Guðmund Einarsson stendur í Skrúðgarðinum á Akranesi.