Íþróttahús
Á Akranesi er boðið upp á fjölbreytt íþrótta- og tómstundastarf sem nær til allra aldurshópa. Tvö íþróttahús eru á Akranesi, annars vegar á Jaðarsbökkum og hins vegar við Vesturgötu þar sem einnig er fimleikahús.
Á Jaðarsbökkum er fjölnota Akraneshöll, sundlaug, aðalleikvangur bæjarins og íþróttahús. Þar eru einnig fjölmargir knattspyrnuvellir sem njóta mikilla vinsælda á sumrin og koma að góðum notum á fótboltamótum. Í íþróttahúsinu við Vesturgötu fer fram fjölbreytt starfsemi. Við hlið þess er fimleikahús þar sem Fimleikafélag Akraness æfir.
Forstöðumaður íþróttamannvirkja er Daníel Sigurðsson Glad sem veitir nánari upplýsingar í tölvupósti og síma 433 1100.
Íþróttamiðstöðin að Jaðarsbökkum
Á Jaðarsbökkum fara fram skólaíþróttir barna í Grundaskóla, knattspyrna, körfuknattleikur, frjálsar íþróttir og blak. Einnig er þar að finna sundlaug með vatnsrennibraut og líkamsræktarstöð World Class. Skrifstofur forstöðumanns íþróttamannvirkja og íþróttafulltrúa ÍA eru að Jaðarsbökkum. Íþróttamiðstöðin er opin alla virka daga frá kl. 06.30 - 22.00 og frá kl. 09:00 - 19.00 um helgar. Akraneshöllin er opin frá kl. 06.30 -22.00 virka daga og frá kl. 09.00 til 19.00 um helgar. Símanúmer Jaðarsbakka er 433 1100.
Íþróttahúsið við Vesturgötu
Í íþróttahúsinu við Vesturgötu fara fram skólaíþróttir barna í Brekkubæjarskóla, fimleikar, badminton, karate, hnefaleikar, skotfimi, keila og þrek. Lokað er á sumrin frá júní - 22. ágúst. Símanúmer íþróttahúsins við Vesturgötu er 433 1133 en einnig er hægt að hafa samband með tölvupósti.
