Fjármála- og þjónustusvið

Fjármála- og þjónustusvið hefur að leiðarljósi að þróa og innleiða hjá Akraneskaupstað góð vinnubrögð í stjórnun fjármála, reikningshaldi, fjárhagsáætlunargerð, og hverskonar skrifstofuhaldi. Fjármála- og þjónustusvið hefur að markmiði að veita viðskiptavinum sínum, þ.e. sviðum, stofnunum, fyrirtækjum og deildum Akraneskaupstaðar, bæjarfulltrúum og bæjarbúum, ávallt eins góða þjónustu og kostur er, með hagkvæmum hætti. Fjármála- og þjónustusvið fer með ábyrgð á fjármálum, reikningshaldi og launamálum Akraneskaupstaðar. Fjármála- og þjónustusvið sinnir innra eftirliti, þ.m.t. eftirliti með framkvæmd fjárhagsáætlunar. Fjármála- og þjónustusvið annast greiningar um fjárhagsleg málefni og er í forystu fyrir umbótaverkefni á sviði rekstrar um bætta stjórnunarhætti, verklag og hagræðingu í rekstri kaupstaðarins. Fjármála- og þjónustusvið skal vera leiðandi varðandi þróun rafrænnar stjórnsýslu og greiðslumiðlunar. Áhersla er lögð á þjónustuhlutverk skrifstofunnar og skilvirka upplýsingamiðlun til viðskiptavina.

Þær deildir sem tilheyra fjármála- og þjónustusviði eru fjárreiðudeild, bókhaldsdeild og launadeild. Sviðsstjóri er Steinar Adolfsson sem veitir jafnframt nánari upplýsingar bæði í tölvupósti á netfangið steinara@akranes.is og í síma 433 1000.