Fara í efni  

Álagning fasteignagjalda

Álagning gjalda fyrir árið 2018

Álagningu fasteignagjalda á Akranesi fyrir árið 2018 er nú lokið. Greiðsluseðlar vegna fyrsta gjalddaga hafa verið póstlagðir. Það er Akraneskaupstaður sem annast álagningu á fasteignaskatti, lóðarleigu og sorpgjaldi. Orkuveita Reykjavíkur annast álagningu og innheimtu vatns- og fráveitugjalds. Gjalddagar fasteignagjalda sem eru umfram kr. 17.000 fyrir árið 2017 eru 15. hvers mánaðar frá janúar til og með október. Gjalddagi fasteignagjalda sem eru undir kr. 17.000 er 15. apríl. Eindagi er 30 dögum eftir gjalddaga.


Hvar get ég nálgast álagningaseðilinn minn?

Álagningarseðlar verða sendir til íbúðaeigenda fæddra 1948 og eldri en aðrir geta nálgast þá hér í Íbúagátt Akraneskaupstaðar og hér á vef Ísland.is. Til að skrá aðgang þarf að nota Íslykil sem sótt er um hér eða nota rafræn skilríki.  

Leiðbeiningar ef Íbúagátt Akraneskaupstaðar er notuð:

  • Á upphafsíðu skal velja snappinn innskrá.
  • Þegar komið er inná ,,þína síðu" skal velja flipa efst til hægri sem heitir ,,Álagning" og þar birtist álagningarseðil 2018.

Leiðbeiningar ef vefur Ísland.is er notaður: 

  • Velja skal hægra megin á vefsíðunni: ,,mínar síður" og ,,innskrá"
  • Þegar komið er inn á ,,þína síðu" birtist pósthólf þar sem smellt er á ,,skjöl frá opinberum aðilum"  en þar birtist álagningarseðil 2018.

Málefni elli- og örorkulífeyrisþega

Samkvæmt breytingu frá árinu 2017 er framkvæmdin varðandi lækkun og niðurfellingu fasteignaskatts tekjulágra elli- og örorkulífeyrisþega vegna ársins 2018 þannig að miðað er við nýjustu álagningu ríkisskattstjóra og er afslátturinn því endanlegur í upphafi árs en sérstakar undantekningar kunna þó að vera til staðar. Ekki þarf að sækja sérstaklega um lækkun eða niðurfellingu þessara gjalda þar sem Akraneskaupstaður styðst við gögn ríkisskattstjóra. Skilyrði lækkunar eru að viðkomandi eigi lögheimili á Akranesi og sé þinglýstur eigandi viðkomandi fasteignar og/eða geti átt rétt á vaxtabótum vegna hennar skv. b-lið 68. gr. laga nr. 90/2003 um tekju- og eignaskatt. Einungis er veitt lækkun vegna íbúðarhúsnæðis til eigin nota.

Gögn til frekari upplýsinga:


Kæruleiðir vegna álagningar

Álagning fasteignaskatts er kæranleg til yfirfasteignamatsnefndar og skal kæra borin fram innan þriggja mánaða frá álagningu. Álagning á sorphirðu- og sorpeyðingargjaldi er kæranleg til úrskurðarnefndar umhverfis- og auðlindamála og er kærufrestur einn mánuður frá álagningu.


Nánari upplýsingar og aðstoð veitir fjármáladeild Akraneskaupstaðar í síma 433-1000 eða með tölvupósti á netfangið akranes@akranes.is.

Fannst þér efnið á síðunni hjálplegt?

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin alla virka daga
    kl. 09:30 - 12:00 og 12:30 - 15:30