Byggingarmál

FramkvæmdirÁ Akranesi er starfandi byggingarfulltrúi sem er yfirmaður byggingarmála á Akranesi. Hlutverk hans er að veita bæjarbúum, bæjarfulltrúum, hönnuðum, byggingarverktökum og öðrum sem á þurfa að halda, góða þjónustu, ráðgjöf og upplýsingar um byggingarmál.

Á skrifstofu byggingarfulltrúa er móttaka umsókna byggingar-, stöðu- og framkvæmdaleyfa, móttaka og skráning séruppdrátta, auk skráningar byggingarstjóra og iðnmeistara á byggingarframkvæmdir. Á skrifstofunni fer einnig fram framkvæmd áfangaúttekta, fokheldisúttekta, stöðuúttekta, öryggisúttekta og lokaúttekta auk skráninga í Þjóðskrá Íslands og staðfesting eignaskiptayfirlýsinga. Einnig eru þar gerðar umsagnir vegna rekstrarleyfa og að lokum er reynt af allra bestu getu að leiðbeina og veita upplýsingar um það sem tengist byggingarmálum.

Byggingarfulltrúi Akraneskaupstaðar er Stefán Þór Steindórsson og veitir hann jafnframt nánari upplýsingar bæði í tölvupósti á netfangið stefan.steindorsson@akranes.is og í síma 433 1000. Byggingarfulltrúi er einnig með viðtalstíma á þriðju- og fimmtudögum frá kl. 11-12 og er hér hægt að óska eftir viðtali með rafrænum hætti.

Skipulags- og umhverfisráð er bæjarráði og bæjarstjórn til ráðgjafar í þessum málaflokki og fundar hún að jafnaði annan hvern mánudag.

Fannst þér efnið á síðunni hjálplegt?

   
Fara efst
á síðu

Akraneskaupstaður

  • Stillholti 16-18, 300 Akranes
  • Sími 433 1000
  • Fax 433 1090
  • Kt: 410169-4449

Skrifstofan er opin alla virka daga kl. 09:30 - 12:00 og 12:30 - 15:30  |  Hafa samband