Þórður formaður skóla- og frístundaráðs

Þórður Guðjónsson ásamt Ingibjörgu Pálmadóttur og Ingibjörgu Valdimarsdóttur.

Þórður Guðjónsson var kjörinn formaður skóla- og frístundaráðs Akraness á síðasta fundi bæjarstjórnar, þann 28. febrúar síðastliðinn. Þórður kom nýr inn í bæjarstjórn um áramót þegar Valdís Eyjólfsdóttir fór í leyfi. Aðrir í ráðinu eru Sigríður Indriðadóttir varaformaður, Kristinn Hallur Sveinsson aðalmaður og áheyrnarfulltrúarnir Ásthildur Ósk Ragnarsdóttir og Sigrún Guðnadóttir. 

Á fundinum var einnig samþykkt að Rakel Óskarsdóttir tæki sæti í bæjarráði í stað Þórðar.