Fara í efni  

Vinnuskóli

Vinnuskóli Akraness er starfræktur yfir sumarmánuðina, þ.e. júní, júlí og ágúst. Öll ungmenni í 8. - 10. bekk grunnskólanna sem eru með lögheimili á Akranesi geta sótt um starf í Vinnuskólanum. Einnig er 17 ára unglingum tryggð vinna yfir sumarið. Lengd vinnutímabils getur verið breytileg frá ári til árs. Vinnuskóli Akraness hefur umsjón með atvinnutengdu námi en með atvinnutengdu námi er komið til móts við nemendur sem ekki virðast finna sig í hefðbundnu námi. Atvinnutengt nám er samstarfsverkefni vinnuskóla, grunnskóla, foreldra og nemenda. 

Ása Katrín Bjarnadóttir, yfirverkstjóri á skipulags- og umhverfissviði, sér um rekstur  Vinnuskólans en hún gefur jafnframt nánari upplýsingar bæði í tölvupósti á netfangið asa.bjarnadottir@akranes.is og í síma 433-1056 / 848-3494. 

Vinnutími unglinga fædd 2003-2005

Allir unglingar fæddir árin 2003-2005 með lögheimili á Akranesi hafa rétt til þátttöku í Vinnuskólanum. Starfstími Vinnuskólans fyrir 8., 9. og 10. bekkinga er frá fimmtudeginum 6. júní til þriðjudagsins 13. ágúst og vinna árgangarnir á mismunandi tímabilum yfir sumarið. Vinnuskólinn er lokaður frá miðvikudeginum 31. júlí til þriðjudagsins 6. ágúst og hefst vinna aftur miðvikudaginn 7. ágúst. Það skal tekið skýrt fram að þetta er sá vinnutími sem stefnt er að með fyrirvara um breytingar í ljósi upplýsinga um fjölda umsækjenda eða annarra aðstæðna þegar nær dregur sumri. Heil vinnuvika er 35 klst. Unnið frá kl. 8:30 - 12:00 og 13:00 - 16:30 mánud. til fimmtud. og á föstudögum unnið frá 8:30 til 12:35. Kaffitímar unnir og því styttri vinnutími á föstudögum. Umsóknareyðublöðum verður komið til allra sem eru í 8.- 10. bekk á skólatíma í viðkomandi skóla í maímánuði.

Umsóknareyðublöðum verður komið til allra nemenda á skólatíma í viðkomandi skóla í maí. Haldinn er fundur með umsækjendum áður en vinnuskólinn hefst og verður hann boðaður sérstaklega.

Stefnt er að vinnu fyrir:

Unglinga f. árið 2005 (8. bekkur)
  • Þeim stendur til boða að velja milli tveggja tímabila í hálfan mánuð og aðeins á morgnana frá kl. 8:30 til 12:00.
    6. júní - 21. júní. 
    22. júlí  - 9. ágúst (Vinnuskóli lokaður 31. júlí til 6. ágúst).
Unglinga f. árið 2004 (9. bekkur)
  • Þeim stendur til boða að vera í fjórar vikur samfellt, yfir allan daginn. 
    6 .júní - 5. júlí.
Unglinga f. árið 2003 (10. bekkur)
  • Þeim stendur til boða að vera í sex vikur samfellt, yfir allan daginn. 
    26. júní - 13. ágúst (Vinnuskóli lokaður 31. júlí til 6. ágúst).
Laun unglinga, orlof innifalið í taxta
  • 14 ára f.2005             618,00 pr.klst.
  • 15 ára f.2004             700,00 pr.klst.
  • 16 ára f.2003             928,00 pr.klst.
Launatímabil og útborgunardagar
  • 6. júní -  9. júlí              útborgunardagur 15. júlí
  • 10. júlí - 13. ágúst       útborgunardagur 15. ágúst

Vinna 17 ára unglinga f. 2002

Akraneskaupstaður og Vinnuskóli Akraness bjóða unglingum f.2002 með lögheimili á Akranesi vinnu við Vinnuskólann. Vinnan hefst í lok maí og unnið er 35 klst. á viku. Um er að ræða almenna garðvinnu og önnur tilfallandi störf er heyra undir starfsemi vinnuskólans. Stefnt er að vinnu í 4 vikur að lágmarki og allt að 10 vikum. Það ræðst af fjölda umsækjenda hversu langur sá tími verður. Haldinn verður fundur með umsækjendum áður en vinnan hefst og farið yfir stöðuna.

Umsóknarfrestur var til og með 15. maí. Aðeins þeir sem skila inn umsókn fyrir tiltekinn tíma verður veitt vinna.

 

Fannst þér efnið á síðunni hjálplegt?

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00