Rafrænir reikningar
Frá og með 1. júlí 2026 tekur Akraneskaupstaður eingöngu við reikningum vegna kaupa á vörum og þjónustu með rafrænum hætti.
Alla reikninga til Akraneskaupstaðar og tengdra félaga, það er Fasteignafélags Akraneskaupstaðar slf. og Höfða hjúkrunar- og dvalarheimilis, skal senda rafrænt í gegnum skeytamiðlara. Mælt er með að sölureikningar séu gefnir út í sölukerfi sem styður rafræna sendingu reikninga.
Ef bókhalds- eða sölukerfi seljanda er ekki tengt skeytamiðlara er hægt að skrá reikning handvirkt í gegnum vef Akraneskaupstaðar með því að smella á hnappinn hér fyrir neðan.
Innihald reikninga
Reikninga skal stíla á rétta kennitölu og stofnun.
Eftirtaldar kennitölur eru gildar:
- Akraneskaupstaður, kt. 410169-4449
- Fasteignafélag Akraneskaupstaðar slf., kt. 630905-1330
- Höfði hjúkrunar- og dvlarheimili, kt. 500576-0229
Á reikningi skal koma fram sundurliðun á vöru og/eða þjónustu, magn, eining, einingarverð og aðrar lögbundnar upplýsingar.
Einnig þarf, eftir því sem við á, að tilgreina eftirfarandi viðbótarupplýsingar:
- númer og nafn deildar
- verknúmer vegna framkvæmda
- nafn og kennitölu þess sem pantar
Óskað er eftir að viðbótargögn, svo sem beiðnir, tíma- og verkskýrslur og önnur mikilvæg fylgigögn, séu send sem PDF-viðhengi með rafrænum reikningum. Með því vistast fylgigögn með viðkomandi reikningi.
Akraneskaupstaður og tengd félög bera ekki ábyrgð á ólögmætum vöruúttektum. Seljendum er ráðlagt að láta ávallt kvitta fyrir vörumóttöku með greinilegri undirskrift starfsmanns sveitarfélagsins og deildarnúmeri.
Gott að hafa í huga
-Rafræna reikninga skal senda samdægurs.
-Akraneskaupstaður áskilur sér 20 daga greiðslufrest frá móttökudegi reiknings, nema um annað hafi sérstaklega verið samið.
-Ef reikningur er ekki sendur á réttan stað eða inniheldur ekki nægar upplýsingar til að staðfesta réttmæti hans, gildir fyrirheit um greiðslufrest ekki.
-Allir reikningar eru sendir í rafræna uppáskrift og þurfa samþykki starfsmanns áður en þeir eru greiddir.
-Reikninga skal ekki senda á pappír eða sem PDF-skjal í tölvupósti samhliða rafrænum reikningum.
Fyrirspurnir og ábendingar
Ef óskað er eftir nánari upplýsingum um rafræna reikninga má hafa samband við bókhaldsdeild Akraneskaupstaðar í netfanginu bokhald@akranes.is.
