Fjöliðjan og Búkolla nytjamarkaður
Fjöliðjan - miðstöð vinnu og virkni
Fjöliðjan er miðstöð vinnu og virkni á vegum Akraneskaupstaðar þar sem lögð er áhersla á einstaklingsmiðaða þjónustu, þátttöku og tækifæri til virkrar þátttöku í samfélaginu.
Markmið Fjöliðjunnar er að skapa umhverfi þar sem hver einstaklingur fær tækifæri til að nýta styrkleika sína, efla færni og taka þátt í fjölbreyttum og tilgangsríkum verkefnum sem stuðla að auknum lífsgæðum, sjálfstæði og virkni.
Í Fjöliðjunni er boðið upp á fjölbreytt úrval verkefna og vinnutilboða sem taka mið af áhuga, getu og markmiðum hvers og eins. Þar má meðal annars nefna vinnustofu, pökkunar- og framleiðsluverkefni, móttöku og flokkun einnota umbúða, störf í Búkollu nytjamarkaði, gróðurhúsastarf og fjölbreytt verkefni í samfélaginu í samstarfi við fyrirtæki og stofnanir.
Starfsemi Fjöliðjunnar fer fram á tveimur starfsstöðvum við Smiðjuvelli. Vinnustofa, vinnusalur og önnur dagleg starfsemi er að Smiðjuvöllum 28, en móttaka einnota umbúða og Búkolla nytjamarkaður er að Smiðjuvöllum 9.
Fjöliðjan tekur einnig að sér fjölbreytt pökkunar- og þjónustuverkefni fyrir fyrirtæki, stofnanir og einstaklinga. Slík verkefni skapa mikilvæga atvinnuþátttöku og raunhæf tækifæri fyrir starfsfólk Fjöliðjunnar til að nýta hæfni sína í fjölbreyttum verkefnum.
Nánari upplýsingar
Nánari upplýsingar um Fjöliðjuna veita:
Guðmundur Páll, forstöðumaður s: 433-1721 & 894-6057
gpj@fjolidjan.is
Árni Jón Harðarson, deildar- og verkstjóri s: 433-1722 & 866-9093
arni@fjolidjan.is
Ásta Pála Harðardóttir, yfirþroskaþjálfi s: 433-1723
astapala@fjolidjan.is
Opnunartími
Vinnustofa Fjöliðjunnar Smiðjuvöllum 28 – opin alla virka daga frá kl. 08–16.
Móttaka einnota umbúða Smiðjuvöllum 9 – opin alla virka daga frá kl. 09-11.45 og 13-15.30
Búkolla Smiðjuvöllum 9
Opnunartími verslunar er fimmtudaga, föstudaga og laugardaga kl. 12-15.
Móttaka er opin í Búkollu þriðjudaga - föstudaga kl. 10-15 og á laugardögum 12-15.
Einnig er vörumóttaka á endurvinnslusvæðinu Höfðaseli 16 á opnunartíma Terra.
Markmið Fjöliðjunnar
Markmið Fjöliðjunnar er að veita einstaklingsmiðaða þjónustu sem styður fólk til virkrar þátttöku í atvinnu, virkni og samfélaginu, í samræmi við gildandi lög og stefnu um þjónustu við fatlað fólk með langvarandi stuðningsþarfir.
Fjöliðjan leggur áherslu á að:
- bjóða upp á fjölbreytt og einstaklingsmiðuð vinnu- og virkniúrræði sem taka mið af styrkleikum, áhuga, getu og markmiðum hvers einstaklings.
- skapa tækifæri til færniþjálfunar, starfsþróunar og aukins sjálfstæðis.
- styðja einstaklinga til aukinnar þátttöku á almennum vinnumarkaði þegar það samræmist óskum þeirra, markmiðum og stuðningsþörf.
- efla þátttöku í samfélaginu með fjölbreyttum verkefnum og samstarfi við fyrirtæki, stofnanir og aðra samstarfsaðila.
- bjóða upp á verkefni sem eru fjölbreytt, þroskandi og skapa tækifæri til að nýta hæfni og styrkleika hvers og eins.
- veita faglega, sveigjanlega og einstaklingsmiðaða þjónustu sem tekur mið af þörfum, óskum og réttindum hvers einstaklings.
- stuðla að góðu samstarfi við atvinnulíf og samfélag með það að markmiði að skapa raunhæf og fjölbreytt tækifæri til atvinnu og virkni.
Umsókn um starf í Fjöliðjunni
Einstaklingar með lögheimili á Akranesi geta sótt um starf hjá Fjöliðjunni.
Allar umsóknir fara í gegnum Vinnumálastofnun.
Nánari upplýsingar gefa Guðmundur Páll forstöðumaður á netfangið gpj@fjolidjan.is og í síma 433 1720 eða Ásta Pála Harðardóttir yfirþroskaþjálfi á netfangið astapala@fjolidjan.is og í síma 433 1723.
Búkolla
Búkolla nytjamarkaður hefur verið starfræktur á Akranesi frá árinu 2009 og er mikilvægur þáttur í starfsemi Fjöliðjunnar.
Markmið Búkollu er að stuðla að endurnýtingu, sjálfbærni og ábyrgri nýtingu verðmæta með því að gefa fatnaði, húsgögnum, heimilismunum og öðrum nytjahlutum nýtt líf. Starfsemin byggir jafnframt á því að skapa fjölbreytt og þroskandi verkefni fyrir starfsfólk Fjöliðjunnar þar sem þátttakendur fá tækifæri til að efla færni sína og taka virkan þátt í daglegri starfsemi.
Akurnesingar hafa frá upphafi sýnt Búkollu einstakan stuðning með því að gefa muni sem nýtast áfram á nýjum heimilum og stuðla þannig að aukinni endurnýtingu og umhverfisvernd.
Búkolla er starfrækt undir merkjum Fjöliðjunnar.
Með því að versla eða gefa til Búkollu styður þú bæði sjálfbærni og mikilvæga atvinnu- og virkniþjónustu í heimabyggð.
Umsjón Búkollu
Rut Beck Agnarsdóttir
sími: 847-1936
netfang rutba@fjolidjan.is
Heimilisfang
Búkolla er til húsa að Smiðjuvöllum 9 á Akranesi.
Opnunartími
Opnunartími markaðarins:
Fimmtudaga, föstudaga og laugardaga kl. 12:00–15:00.
Vörumóttaka:
Þriðjudaga til föstudaga kl. 10:00–15:00 og laugardaga kl. 12:00–15:00.
Einnig er tekið á móti vörum á gámasvæðinu á opnunartíma Gámu.
