Velferðar- og mannréttindasvið

Velferðar- og mannréttindasvið er stjórnunareining innan Akraneskaupstaðar sem sérhæfir sig barnaverndarmálum, málefnum aldraða, málefnum einstaklinga með fötlun, heilbrigðismálum, mannréttindamálum, húsnæðismálum og félagsmálum. Sviðið sé m.a. um að veita fjárhagaaðstoð til þeirra sem geta ekki séð sér og sínum farborða án aðstoðar, veita félagslega og sérhæfða ráðgjöf, skipuleggja félagslega heimaþjónustu fyrir aldraða, sjá um heimsendingu matar og akstur fyrir aldraða og vinna markvisst að félagsstarfi aldraða og heilsueflingu. Þá hefur sviðið umsjón með málefnum barna, s.s. barnavernd, veitingu stuðningsfjölskyldna, umönnunargreiðslna og liðveislu.

Sviðið er velferðar- og mannréttindaráði til ráðgjafar varðandi stefnumótandi ákvarðanir í þeim málaflokkum sem undir það heyra og annast framkvæmd þeirra. Hlutverk sviðsins er að veita bæjarbúum, bæjarfulltrúum, forstöðumönnum og öðrum þeim sem á þurfa að halda, góða þjónustu, ráðgjöf og upplýsingar um málaflokka sviðsins. 

Sviðsstjóri er Svala Hreinsdóttir, sem jafnframt veitir nánari upplýsingar bæði í tölvupósti á netfangið velferd@akranes.is og í síma 433 1000.

Fannst þér efnið á síðunni hjálplegt?

   
Fara efst
á síðu

Akraneskaupstaður

  • Stillholti 16-18, 300 Akranes
  • Sími 433 1000
  • Fax 433 1090
  • Kt: 410169-4449

Skrifstofan er opin alla virka daga kl. 09:30 - 12:00 og 12:30 - 15:30  |  Hafa samband