Skipulag í kynningu

Í dag þann 6. október voru samningar undirritaðir við Pípó Pípulagningarþjónustu og GS Import vegna framkvæmda við Jaðarsbakkalaug. Framkvæmdir hefjast 17. október næstkomandi. Á meðan vinna verktaka stendur yfir verður athafnasvæðið við Jaðarsbakka girt af á bakka laugarinnar

Bæjarstjórn Akraness hefur samþykkt skipulagslýsingu fyrir tjaldsvæði í Kalmansvík skv. 30. gr. skipulagslaga nr. 123/2010. Gert er ráð fyrir að óbyggðu svæði í Kalmansvík verði breytt í opið svæði til sérstakra nota þar sem starfrækt verður ferðaþjónustutengd starfsemi s.s. tjaldsvæði og smáhýsi.

Sigurður Páll Harðarson sviðsstjóri skipulags- og umhverfissviðs kynnti stöðu malbikunarframkvæmda við Vesturgötu á fundi bæjarráðs í dag. Verkfræðistofan Efla hefur verið fengin til að greina ástand götunnar og þá sér í lagi undirlag hennar og grunnvatnsástand.

Frá 22. júní og fram í júlí verður unnið við að gera bílastæði í Jörundarholti, þ.e. í vestur hluta Jörundarholts þar sem nú er malarplan. Grafið verður fyrir nýju bílastæði og það fyllt upp með malarfyllingu. Einnig verður komið fyrir niðurföllum og lögnum, bílastæðið malbikað, kantsteinn steyptur og yfirborðið í kringum svæðið jafnað og þökulagt.

Á fundi bæjarstjórnar Akraness í dag, þann 24. maí var samþykkt að staðfesta afgreiðslu skipulags- og umhverfisráðs frá 19. maí síðastliðinn um breytingu á deiliskipulagi Breiðarsvæðis

Stoppistöð strætisvagna við Suðurgötu 64 verður færð tímabundið á Skólabraut á meðan framkvæmdir við rif á Suðurgötu 64 standa yfir. Meðfylgjandi mynd sýnir hvar stoppistöðin verður staðsett.

Í byrjun næstu viku fara af stað framkvæmdir við Suðurgötu 64. Það er verktakinn BÓB ehf. sem mun sjá um rif og förgun á íbúðarhúsinu og bílageymslu. Að því loknu verður svæðið þökulagt og gróðursett.

Skipulags- og umhverfisráð kynnir skipulagslýsingu Sementsreits á opnum fundi með íbúum og öðrum hagsmunaaðilum á Akranesi. Fundurinn fer fram að Mánabraut 20 þann 11. maí kl. 18:00. Heitt á könnunni og allir velkomnir!

Bæjarstjórn Akraness hefur samþykkt skipulagslýsingu fyrir gerð deiliskipulags Sementsreits ásamt breytingu á aðalskipulagi samkvæmt 3. mgr. 40. gr. skipulagslaga nr. 123/2010.

ASK arkitektum í Reykjavík hefur verið falið að deiliskipuleggja svonefndan Sementsreit á Akranesi samkvæmt samningi sem Regína Ásvaldsdóttir bæjarstjóri og Páll Gunnlaugsson arkitekt undirrituðu þar í morgun. Stefnt er að því að ljúka öllu skipulagsferlinu fyrir lok árs 2016.