Rannsókn á grunnvatnsstöðu á Akranesi

Ábendingar komu frá íbúum um háa grunnvatnsstöðu á neðri hluta Akraness. Frétt þess efnis birtist inn á heimsíðu Akraneskaupstaðar 26 maí s.l.

Í framhaldinu réðust Veitur í rannsóknir á sínum veitukerfum. Ekkert hefur hinsvegar komið fram í þeim rannsóknum hingað til.

Málið hefur verið til umfjöllunar innan stjórnsýslu Akraneskaupstaðar. Ákveðið var í framhaldinu að leita til verkfræðistofunnar Verkís til þess að skoða málið frekar.

Sú vinna er í gangi og er stefnt að því að fyrstu niðurstöður hennar birtist með skýrslu um mánaðarmótin ágúst/september 2023.

Niðurstöður þeirrar skýrslu verða kynntar íbúum.