Íþróttabandalag Akraness auglýsir starf íþróttafulltrúa ÍA

Íþróttabandalag Akraness leitar eftir öflugum og metnaðarfullum einstaklingi sem hefur brennandi áhuga á íþróttum og félagsstarfi. Starf íþróttafulltrúa er mjög fjölbreytt og skemmtilegt en viðkomandi einstaklingur sér um daglega þjónustu, samskipti og upplýsingamiðlun i tengslum við íþróttastarf á Akranesi. Um er að ræða 75 - 100% starf en nánari útfærsla á starfssamningi verður gerð í samstarfi við þann sem verður ráðinn. Íþróttafulltrúi er starfsmaður framkvæmdastjórnar ÍA.

Helstu verkefni og ábyrgðarsvið:

• Undirbúningur funda framkvæmdastjórn ÍA, upplýsingagjöf og eftirlit með verkefnum
• Niðurröðun æfingatíma í íþróttamannvirkjum, iðkendaskráningu í Nóra og samvinna við stjórnir aðildarfélaga ÍA
• Umsjón og ábyrgð með ýmsum viðburðum á vegum ÍA s.s. fræðslukvöldum, félagsstarfi og keppnishaldi.
• Upplýsingamiðlun um íþróttafélög og íþróttastarf á Akranesi.
• Samstarf ÍA við samstarfsaðila s.s. Akraneskaupstað, sérsambönd og íþróttahéruð.
• Frumkvæði og þátttaka í stefnumótun um íþróttastarf á Akranesi sem hefur bæði uppeldisgildi og afreksgildi að leiðarljósi.

Hæfniskröfur:

• Menntun og/eða starfsreynsla sem nýtist í starfi s.s. félags- og tómstundafræði, íþróttafræði eða uppeldis- og kennslufræði.
• Áhersla er lögð á góð mannleg samskipti og skipulagshæfni.
• Einlægur áhugi og þekking á íþróttum og félagsstarfi.
• Frumkvæði, metnaður og sjálfstæð vinnubrögð.
• Góð tölvukunnátta og hæfni til að tjá sig í ræðu og riti.
• Hreint sakavottorð. 

Hér er sótt um rafrænt á heimasíðu Akraneskaupstaðar en einnig er hægt að skila inn umsókn í þjónustuver á 1. hæð að Stillholti 16-18. Umsóknarfrestur er til og með 22. maí. Nánari upplýsingar má fá með því að senda fyrirspurn á netfangið akranes.ia@gmail.com