Fara í efni  

Írskir vetrardagar hefjast í dag

Elaine kynnir írsk hljóðfæri fyrir leikskólabörnum á Írskum vetrardögum 2017
Elaine kynnir írsk hljóðfæri fyrir leikskólabörnum á Írskum vetrardögum 2017

Í dag hófust Írskir vetrardagar á Akranesi og standa þeir yfir frá 14.-17. mars. Dagskráin er einstaklega fjölbreytt í ár enda fjölmargir sem koma fram. Strax á fyrsta degi hátíðarinnar bjóða starfsmenn Landmælinga bæjarbúum í göngutúr sem hefst við íþróttahúsið við Vesturgötu kl. 17:30. Nótutónleikar Tónlistarskólans hefjast í Tónbergi kl. 18 og um kvöldið verður djassveisla á Gamla Kaupfélaginu þar sem Unnur Birna og Björn Thoroddsen stíga á stokk ásamt félögum. Meðal annarra dagskrárliða má nefna söng leikskólabarna og sýningu skólabarna á Bókasafni Akraness, upplestur Sólveigar Jónsdóttur þar sem Írland er í aðalhluverki, keramik sýningu, tónleika, írska matargerð, skylmingar og fleira. Þá má jafnframt nefna að þann 17. mars, á degi heilags Patreks, verður Kallabakarí með bakkelsi í írsku fánalitunum og skapar þetta allt saman sérstaka stemningu. Það er sérstakt gleðiefni að þátttakendur í ár eru fjölmargir og á öllum aldri. Góða skemmtun.


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00