Fara í efni  

Í byrjun nýs skólaárs 2021-2022

Nú er skóla- og frístundastarf hafið á ný eftir sumarfrí í kringumstæðum sem við áttum ekki von á þegar síðasta starfsári lauk. Á ný hefst skólastarfið með tilteknum takmörkunum vegna Covid faraldursins og þá er gott að hafa okkar sterka stjórnenda- og starfmannahóp við störf en hópurinn býr yfir mikilli reynslu og fagmennsku til að takast á við verkefnin framundan í samstarfi við foreldra.

Allt skóla- og frístundastarf er skipulagt með það í huga að það verði með sem eðlilegustum hætti og að til sem minnstrar skerðingar komi. Stjórnendur í samstarfi við starfsmannahópinn skipuleggja sóttvarnir á hverjum stað með tilliti til þeirra aðstæðna sem þar eru.

Með því að huga alltaf að sóttvörnum geta starfsmenn og foreldrar hjálpast að við að draga úr hættu á smiti.

Hjá því verður væntanlega ekki komist að einhver smit komi upp og þá er mikilvægt að starfsmenn og foreldrar sýni aðgát og fari strax í skimun ef einkenna verður vart. Mikilvægt er að hafa varan á og senda ekki veik börn í skólann. Ef smit kemur upp getur það haft áhrif á starfsmannahópinn á starfsstöðvum okkar þannig að fáliðað verði á einstaka stöðum sem getur leitt til tímabundinnar skerðingar á skólastarfi.

Með samvinnu og bjartsýni tökumst við saman á við verkefnið.

 

 


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00