Fréttir

Bæjarstjórn Akraness samþykkti á fundi þann 9. mars 2021 að veita framkvæmdaleyfi fyrir gatnagerð í Skógarhverfi áfanga 3A og auglýsir hér með útgáfu leyfisins. Framkvæmdaleyfið er gefið út skv. 10. gr. reglugerðar nr. 772/2012 um framkvæmdaleyfi.

Verkís hf., fyrir hönd Fasteignafélag Akranes, óskar eftir tilboðum í framkvæmdir við uppsteypu og utanhúsfrágang við nýjan leikskóla að Asparskógum 25, Akranesi. Verkið nær til uppsteypu hússins, ásamt lagnavinnu við þá þætti sem tengjast uppsteypu. Verktaki skal koma fyrir gluggum og hurðum, ganga frá þakvirki, þakfrágangi og utanhússklæðningu.

Apríl Arkitekter, Kanon Arkitektar og Landmótun sf. ásamt Sei Stúdíó eru þau þrjú teymi sem taka þátt í hugmyndasamkeppni um skipulag og hönnun Langasandssvæðisins á Akranesi. Útdráttur fór fram þriðjudaginn 2. mars síðastliðinn í viðurvist votta. Alls voru fjórtán fagteymi sem sóttust eftir að taka þátt en eitt dró sig tilbaka áður en útdráttur fór fram.

Aðgerðaráætlun vegna loftgæða í Grundaskóla

Innritun í leikskóla haustið 2021 hefur farið fram.

Laust starf ritara í Brekkubæjarskóla. Brekkubæjarskóli er annar tveggja heildstæðra grunnskóla á Akranesi. Nemendur skólans eru um 460 talsins, en starfsmenn um 100.

Samgöngu- og sveitarstjórnarráðuneytið og Samtök sveitarfélaga á Vesturlandi bjóða upp á rafrænan samráðsfund um stöðu samgöngumála á Vesturlandi, miðvikudaginn 3. mars frá kl. 15-17.

Í dag, þriðjudaginn 2. mars, landaði Venus NS 150 um það bil 530 tonnum af loðnu. Var þetta fyrsta loðnulöndun ársins á Akranesi og af því tilefni færði Sævar Freyr Þráinsson bæjarstjóri áhöfninni rjómatertu. Bergur Einarsson skipstjóri veitti rjómatertunni viðtöku fyrir hönd áhafnarinnar. 

Frístundamiðstöðin Þorpið óskar eftir að ráða metnaðarfullan og drífandi einstakling til að starfa í fjölbreyttu, krefjandi og skemmtilegu frístundastarfi með börnum og ungmennum. Um er að ræða 75% stöðu og þarf viðkomandi að geta hafið störf sem fyrst eða samkvæmt samkomulagi. Næsti yfirmaður er deildarstjóri ungmennastarfs í Þorpinu.

Bréf vegna innritunar 6 ára barna í grunnskóla hafa nú verið birt í þjónustugátt Akraneskaupstaðar.