112 dagurinn á Akranesi

Eldvarnarfræðsla 3. bekkjar í nóvember sl.

Þann 11. febrúar ár hvert er 112 dagurinn haldinn. Á Akranesi verður opið hús hjá Slökkviliði Akraness og Hvalfjarðarsveitar frá kl. 14-18. Fróðleg og skemmtileg dagskrá er í boði, meðal annars kynning á starfi Slökkviliðsins og Björgunarfélags Akraness.  Lögreglan og sjúkraflutningsmenn verða á staðnum sem og einnig Rauði Krossinn sem mun kynna þjálfun í skyndihjálp.

Þá mun slökkviliðsstjórinn, Þráinn Ólafsson, afhenda verðlaun til nemanda í 3. bekk vegna getrauna í eldvarnarátakinu sem er ár hvert hjá þriðja bekk á vegum Landsambands slökkviliðs- og sjúkraflutningsmanna.

Húsið er öllum opið og eru bæjarbúar hvattir til að taka þátt í dagskránni.