Fara í efni  

Fyrstu leigjendur Bjarg íbúðafélags á Akranesi fá íbúðir afhentar

Frá afhendingu íbúða til fyrstu leigjenda við Asparskóga 12 og 14.
Frá afhendingu íbúða til fyrstu leigjenda við Asparskóga 12 og 14.

Þann 27. júní síðastliðinn var efnt til viðburðar þegar fyrstu leigjendur Bjargs íbúðafélags fengu afhenta lykla af íbúðum sínum við Asparskóga 12 og 14. Björn Traustason framkvæmdastjóri Bjargs, Sævar Freyr Þráinsson bæjarstjóri og Vilhjálmur Birgisson formaður verklýðsfélags Akraness ávörpuðu gesti. Þökkuðu aðilar fyrir að mikilvægt væri að sjá verkefnið bera ávöxt. Nú væri enn frekar stuðlað að því að tryggt og gott leiguhúsnæði væri í boði á viðráðanlegu verði hér á Akranesi

Alls voru 22 íbúðir afhentar og er síðan stefnt að 10 íbúðir til viðbótar verði afhentar fljótlega við Asparskóga 16. Það má með sönnu segja að uppbyggingartíminn sem hafi verið hraður en fyrsta skóflustungan við þessa byggingu var tekin í október í fyrra. Fyrirtækið Modulus sá um byggingu húsanna og er um að ræða 40,4 fermetra stúdíóíbúðir, 52 fermetra tveggja herbergja íbúðir, 77 fermetra þriggja herbergja íbúðir og 93 fermetra fjögurra herbergja íbúðir.


Sjá eldri frétt
Fyrsta skóflustungan tekin á byggingu nýs íbúðarkjarna á Asparskógum


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00