Fara í efni  

Fjölmennt á íbúaþingi um atvinnulíf á Akranesi

Góð þátttaka íbúa á þingið.
Góð þátttaka íbúa á þingið.

Akraneskaupstaður í samstarfi við KPMG stóð fyrir íbúaþingi í gær þann 22. janúar 2020 á Garðavöllum. Þingið fjallaði almennt um atvinnulíf á Akranesi með áherslu á uppbyggingu á Breið og nágrenni þess. Um 130 manns sóttu þingið sem stóð frá kl.18:00 til kl.20:00. Hlutverk KPMG hefur verið að aðstoða og veita Akraneskaupstað í samstarfi við Brim, ráðgjöf við að leiða fram ákvörðun um stefnu varðandi uppbyggingu á Breið og nágrenni þess þannig að í framhaldinu verði hægt að fara í framkvæmd við uppbyggingu. Þingið sem um ræðir var einn af verkþáttum KPMG í þeirri vinnu.   

Í upphafi fundarins flutti Sævar Freyr Þráinsson bæjarstjóri kynningu sem samanstóð af verkefnum sem Akraneskaupstaður hefur verið að leggja áherslu á í atvinnuuppbyggingu á Akranesi. Minntist hann þar lækkun fasteignaskatta fyrir fyrirtæki, nýtt svæði til atvinnuuppbyggingar og  nýjum vef sem Akraneskaupstaður hyggst setja í loftið á næstu mánuðum sem auglýsir Akraness sem vænlega kost til atvinnu- og íbúðauppbyggingar.  Við Sævari tók við nafni hans Sævar Kristinsson verkefnastjóri hjá KPMG. Kynnti hann sviðsmyndavinnu um framtíð atvinnulífs á Vesturlandi til ársins 2040.  Sú vinna var unnin á vegum Samtaka sveitarfélaga á Vesturlandi í samstarfi við KPMG á seinnihluta síðasta árs. Næstur til máls tók Steinþór Pálsson sérfræðingur og hluthafi hjá KPMG. Steinþór kynnti þá vinnu sem var búin að fara fram á liðnu ári ásamt því að kynna fyrir gestum hlutverk þeirra á umræddu þingi. Að loknum málflutningnum tók við borðavinna þar sem íbúar greindu hvernig þeir myndu vilja sjá uppbyggingu eiga sér stað á Breið og nágrenni þess. Unnið var í hópum með ákveðin áhersluatriði eins og ferðaþjónustu, hátækni, sjávarútveg og fleira.

Akraneskaupstaður sendir kærar þakkir til allra þeirra sem tóku þátt í þinginu. Akraneskaupstaður mun síðan kynna opinberlega lokaafurð verkefnisins þegar hún liggur fyrir.

Hér má nálgast kynningar sem voru á fundinum.


   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00