Bíllausi dagurinn í dag

Í dag, mánudaginn 22. september, er bíllausi dagurinn og í Reykjavík er til að mynda frítt í strætó í tilefni dagsins.

Hér á Akranesi er frítt í strætó allan ársins hring, auk þess sem leitun er að brekkum í bænum og því lítið mál að komast allra sinna ferða fótgangandi eða á hjóli. Við hvetjum því íbúa bæjarins til að leggja einkabílnum, prófa að taka strætó, hjóla, ganga eða jafnvel skokka á milli staða.

Umhverfisvænt, hagkvæmt og gott fyrir bæði líkama og sál.