Stjórnsýslu- og fjármálasvið

Stjórnsýslu- og fjármálasvið hefur að leiðarljósi að þróa og innleiða hjá Akraneskaupstað góð vinnubrögð í stjórnun fjármála, reikningshaldi, fjárhagsáætlunargerð, starfsmannahaldi, skjalastjórnun, þjónustu- og upplýsingamálum og hverskonar skrifstofuhaldi. Stjórnsýslu- og fjármálasvið hefur að markmiði að veita viðskiptavinum sínum, þ.e. sviðum, stofnunum, fyrirtækjum og deildum Akraneskaupstaðar, bæjarfulltrúum og bæjarbúum, ávallt eins góða þjónustu og kostur er, með hagkvæmum hætti.

Stjórnsýslu- og fjármálasvið fer með ábyrgð á fjármálum, reikningshaldi, launamálum, skjalastjórnun og þjónustu- og upplýsingaþjónustu Akraneskaupstaðar. Stjórnsýslu- og fjármálasvið sinnir innra eftirliti, þ.m.t. eftirliti með framkvæmd fjárhagsáætlunar. Stjórnsýslu- og fjármálasvið annast greiningar um fjárhagsleg málefni og er í forystu fyrir umbótaverkefni á sviði rekstrar um bætta stjórnunarhætti, verklag og hagræðingu í rekstri kaupstaðarins.

Stjórnsýslu- og fjármálasvið skal vera leiðandi varðandi þróun rafrænnar stjórnsýslu og greiðslumiðlunar. Áhersla er lögð á þjónustuhlutverk skrifstofunnar og skilvirka upplýsingamiðlun til viðskiptavina.

Þær deildir sem tilheyra stjórnsýslu- og fjármálasviði eru fjárreiðudeild, bókhaldsdeild, launadeild og þjónustu- og upplýsingadeild. 

Sviðsstjóri er Steinar Adolfsson sem veitir jafnframt nánari upplýsingar bæði í tölvupósti á netfangið stjornsysla@akranes.is og í síma 433 1000. Einnig er sviðsstjóri með viðtalstíma á fimmtudögum milli kl. 10-12. Hér er hægt að nálgast rafrænt eyðublað og óska eftir viðtalstíma.

Fannst þér efnið á síðunni hjálplegt?

   
Fara efst
á síðu

Akraneskaupstaður

  • Stillholti 16-18, 300 Akranes
  • Sími 433 1000
  • Fax 433 1090
  • Kt: 410169-4449

Skrifstofan er opin alla virka daga kl. 09:30 - 12:00 og 12:30 - 15:30  |  Hafa samband