Fara í efni  

Viljayfirlýsing undirrituð milli Akraneskaupstaðar og Íþróttabandalags Akraness

Frá undirritun viljayfirlýsingarinnar þann 18. maí síðastliðinn.
Frá undirritun viljayfirlýsingarinnar þann 18. maí síðastliðinn.

Þann 18. maí síðastliðinn undirrituðu fulltrúar Akraneskaupstaðar og Íþróttabandalags Akraness viljayfirlýsingu um endurnýjun samnings um íþrótta- og æskulýðsstarf á Akranesi. Viljayfirlýsingin hefur verið lögð fram til kynningar í skóla- og frístundaráði og bæjarráði og er stefnt er að undirskrift samningsins fyrir 1. október næstkomandi. 

Akraneskaupstaður og Íþróttabandalagið hafa um langt árabil átt í góðu og mikilvægu samstarfi á sviði æskulýðsmála, íþrótta- og afreksstarfs, almenningsíþrótta, rekstur íþróttamannvirkja og margskyns forvarna. Meginmarkmið þessa samstarfs er að skapa þróttmikið, heilbrigt og gott samfélag fyrir börn og fullorðna og að í boði séu fjölbreytt tækifæri til að stunda íþróttir og æskulýðsstarf. „Það er okkar einlæga markmið að viðhalda og styrkja samstarfið á milli bæjarins og íþróttabandalagsins. Eins og fram kemur í fyrsta markmiðinu í viljayfirlýsingunni viljum við að á Akranesi sé rekin íþrótta- og æskulýðsstarfsemi í fremstu röð á Íslandi, það verður ekki öðruvísi gert en með góðu og árangursríku samstarfi. Við erum ÍA, það er staðreynd.“ segir Sævar Freyr Þráinsson bæjarstjóri á Akranesi. „Það er hagsmunamál beggja aðila að halda úti öflugu íþróttastarfi á Akranesi, við erum virkilega ánægð með gott samstarf“ segir Marella Steinsdóttir formaður Íþróttabandalags Akraness

Viljayfirlýsingin er aðgengileg hér.


   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00