Fara í efni  

Vígsla pottasvæðis á Jaðarsbökkum

Laugardaginn 26. ágúst síðastliðinn var nýtt pottasvæði á Jaðarsbökkum formlega opnað. Þeir Sævar Freyr Þráinsson bæjarstjóri og Þórður Guðjónsson formaður skóla- og frístundaráðs vígðu svæðið með því að klippa á borða og buðu fyrstu gesti dagsins velkomna. Ókeypis var í sund alla helgina og fengu gestir ís að loknu sundi í boði Akraneskaupstaðar.

Við hönnun svæðisins var horft til að útlit þess yrði sem fallegast, þægindi sundlaugagesta væri í fyrirrúmi og að bætt útsýni væri frá svæðinu. Þeir aðilar sem komu að hönnuninni voru Basalt og Mannvit og sá Liska um hönnun lýsingar á svæðinu. Framkvæmdin fólst síðan í því að gerðir yrðu þrír pottar, þ.e. vaðlaug, pottur án nudds og pottur með nuddi. Yfirborðsefni á svæðinu var endurnýjað þ.e. settar niður gúmmíhellur svo að mjúkt yrði undir fætur sundlaugagesta. Nýtt eftirlitskerfi var tekið upp, lýsing endurnýjuð og nýr stýri- og hreinsibúnaður tekinn í notkun. Að lokum var girðing fjarlægð og sett upp ný sem veitir gestum útsýni út á haf. Verktakar sem komu að verkinu voru GS Import, Pípulagningaþjónustan ehf. og Rafþjónusta Sigurdórs. Undirverktakar voru MVM múrarar, Skóflan, Hafsteinn Daníelsson og Blikksmiðja Guðmundar. Eftirlit og stýring verks var á höndum Akraneskaupstaðar.

Hér fyrir neðan má skoða myndir sem teknar voru sl. laugardag.


   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00