Frestað um óákveðin tíma - Við erum til - bíósýning í boði félagsstarf aldraða og öryrkja

Uppfært 22.03.19 - sýningu frestað um óákveðinn tíma. 

BÍÓSÝNING föstudaginn 22. mars 2019 kl. 13:30

Félagsstarf aldraðra og öryrkja mun bjóða upp á sýningu í Tónbergi föstudaginn 22. mars kl. 13:30

Sýnd verður myndin „Við erum til“ sem er heimildarmynd um gildi félagsstarfs fyrir líðan og velferð fólks. Umsjón með gerð myndarinnar hafði Suðurnesjakonan Helga Margrét Guðmundsdóttur tómstunda- og félagsmálafræðingur.

Helga Margrét starfar nú á Velferðarsviði hjá Reykjavíkurborg , starfaði um árabil sem umsjónarmaður félagsstarfs í Félagsmiðstöðinni Hæðargarði 31. Þar er lífssöguhópur sem hittist vikulega. Hluti hópsins situr líka í notendaráði og litast umræðan af hagsmunamálum og velferð eldri borgara. Þátttakendur í lífssöguhópnum vildu gjarnan að rödd þeirra heyrðist úti í samfélaginu og er tilgangur myndarinnar því fyrst og fremst sá að aldraðir segi sjálfir hvað þeim finnst en ekki að aðrir túlki það.

Í viðtölum sem myndin er unnin út frá segja eldri borgarar með eigin röddu hvernig félagsstarfið eflir þau og hjálpar við að fara út fyrir þægindahringinn. Titill myndarinn kemur frá þeim sjálfum og gerð myndarinnar er í raun viðfangsefni lífssöguhópsins. Í myndinni ræða þau líðan sína og hvað það er sem gefur lífinu gildi.

Fyrir sýningu myndarinnar flytur Helga Margrét erindi en sýning myndarinnar tekur um 25 mínútur. Gera má ráð fyrir um klukkustund.