Tillaga að breytingu á deiliskipulagi Æðarodda

Bæjarstjórn Akraness samþykkti 26. mars s.l. að auglýsa tillögu að breytingu á deiliskipulagi Æðarodda skv. 41. gr. sbr. 1. mgr. 43. gr. skipulagslaga nr. 123/2010 m.s.br.

Breytingin felst m.a. í að afmörkuð er lóð fyrir reiðskemmu, norðan aðkomuleiðar að hverfinu. Vegi syðst á skipulagssvæðinu er breytt til samræmis við núverandi legu.  

Tillagan verður til kynningar í þjónustuveri kaupstaðarins að Stillholti 16-18, Akranesi  og á heimasíðu Akraneskaupstaðar, www.akranes.is frá og með 26. apríl 2019 til og með 14. júní 2019. Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna þarf að skila skriflega eigi síðar en 24. júní 2019 í þjónustuver Akraneskaupstaðar eða á netfangið skipulag@akranes.is

Hér má sá tillögu að breyttu deiliskipulagi Æðarodda.