Styrkir til menningarviðburða í sundlaugum

Menningar,- nýsköpunar- og háskólaráðuneytið kallar eftir umsóknum styrki til menningarviðburða í sundlaugum landsins. Tilefnið af styrkveitingunni er að íslensk sundlaugamenning var staðfest á lista UNESCO yfir óáþreifanlega menningararfleið heimsins. Markmið styrkveitingarinnar er að stuðla að fjölbreyttu viðburðahaldi í sundlaugum um land allt og auðga menningarlíf í heimabyggð. Til úthlutunar eru 4 milljónir króna, en styrkur getur verið að hámarki 500.000 krónur. Skilyrt er að viðburðirnir/verkefnin fari fram árið 2026.

Hugmyndirnar geta verið fjöbreyttar og er hvatt til samstarfs menningarstofnana, safna, listafólks og listhópa. Þannig getur verið tónlistarviðburður í lauginni, myndlistarsýningar á bakkanum eða gjörningar í sundlauginni sem sundlaugagestir geta notið. Á Vesturlandi hafa farið fram nokkur slík verkefni og meðfylgjandi mynd er frá listviðburðinum "Sinfó í sund" í Borgarnesi.

Umsóknarfrestur er til 20. mars 2026 og sótt er um í gegnum umsóknargátt ráðuneytisins. Nánari upplýsingar má nálgast hér.

Menningarfulltrúi SSV er til ráðleggingar er varðar menningarvarkefni.