Starfamessa í FVA í dag

Sigurður Þór Elísson kynnti starf slökkviliðsmanns og sýndi meðal annars þessar klippur.

Í dag fer fram svokölluð Starfamessa í FVA á vegum SSV. Yfir 250 nemendur í 9. og 10. bekk grunnskólanna á Akranesi mættu í morgun til að kynna sér hin ýmsu störf og starfsemi um 50 fyrirtækja á svæðinu.

Opið er fyrir almenning milli kl. 12 og 14 í dag og við hvetjum fólk eindregið til að mæta og sjá hversu fjölbreytt starfsemi er í bænum.

Akraneskaupstaður á marga fulltrúa á svæðinu. Haraldur Benediktsson bæjarstjóri stóð vaktina í morgun ásamt Önnu Maríu Þráinsdóttur byggingarfulltrúa, Hrefna Rún Ákadóttir og Ylfa Örk Davíðsdóttir kynntu starf félagsráðgjafa, Ívar Orri Kristjánsson úr Þorpinu var mættur ásamt Ungmennaráði Akraness, starfsmenn leik- og grunnskóla í bænum fjölmenntu til að kynna sín störf og slökkviliðið var með stöð þar sem þeir sýndu meðal annars klippurnar sem þeir nota til að klippa í sundur bifreiðar.