Skóla- og frístundasvið Reykjavíkurborgar í heimsókn á Akranesi

Starfsfólk skóla- og frístundasviðs Reykjavíkurborgar heimsótti Akranes fimmtudaginn 7. maí s.l. Regína Ásvaldsdóttir bæjarstjóri tók á móti gestunum í bæjarþingsalnum og kynnti Akranes með sérstaka áherslu á skóla- og frístundastarf. Gestirnir heimsóttu síðan skólana í bænum, bæði leik- og grunnskóla og tónlistarskólann. Einnig var farið í Þorpið, í Akranesvita og endað á Safnasvæðinu í Görðum þar sem gestirnir fengu leiðsögn um sýninguna Óskasteinar.   

Með hópnum voru Svala Hreinsdóttir deildarstjóri skólaþróunar og sérfræðiþjónustu og Heiðrún Janusardóttir verkefnastjóri æskulýðs- og forvarnarmála fyrir hönd Akraneskaupstaðar. 

Akraneskaupstaður þakkar öllum þeim sem tóku á móti gestunum kærlega fyrir þeirra þátttöku og starfsmönnum skóla-og frístundasviðs fyrir heimsóknina.