Skagaskáld og börn í Brekkubæjarskóla í ljóðaþætti

Sigurbjörg Þrastardóttir les ljóð sitt í íþróttahúsinu við Vesturgötu.

Þátturinn Ljóðaland hóf nýverið göngu sína á RÚV en í þáttunum fara þau Eva María Jónsdóttir og Pétur Blöndal í rannsóknarleiðangur og draga fram þræði ljóðsins í íslensku samfélagi.

Í öðrum þættinum fengu Akurnesingar sviðið þegar Skagaskáldið Sigurbjörg Þrastardóttir las upp hluta af ljóði sínu sem hangir uppi í íþróttahúsinu við Vesturgötu. Sigurbjörg var fengin til að semja ljóðið í tilefni af 70 ára afmæli ÍA, en það var opinberað á afmælishátíð ÍA árið 2016. Hér á Skagafréttum má sjá gott og ítarlegt viðtal sem tekið var við Sigurbjörgu við það tækifæri, en þar má einnig lesa ljóðið í heild sinni. 

Áhugasamir geta séð þáttinn Ljóðaland hér, en hægt er að fara á mínútu 5:08 til að finna Sigurbjörgu og nemendurna í Brekkubæjarskóla.