Fara í efni  

Ráðning skipulagsfulltrúa og byggingafulltrúa á skipulags- og umhverfissvið

Ráðning skipulagsfulltrúa og byggingafulltrúa á skipulags- og umhverfissvið.

Í nóvember síðastliðinn auglýsti Akraneskaupstaður laus störf annars vegar skipulagsfulltrúa og hins vegar byggingafulltrúa. Umsóknarfrestur var til og með 6. desember s.l.

Það tilkynnist hér með að Halla Marta Árnadóttir hefur verið ráðin í stöðu skipulagsfulltrúa. Halla Marta lauk BA námi í arkitektúr frá Machintosh school of Architecture við Glasgow School of Art árið 2017 og framhaldsnámi í arkitektúr frá sama skóla árið 2020. Hún hefur starfað hjá Bj.Snæ arkitektum og Plús arkitektum. BA ritgerð hennar fjallar um skipulag og hönnun sjávarbæja á Íslandi og þar skoðaði hún sérstaklega myndun byggða á tímum sjávarútvegs og núverandi stöðu bæja með ferðaþjónustu í huga. Halla tekur til starfa 2. febrúar næstkomandi.

Akraneskaupstaður hefur ráðið Karl Jóhann Haagensen byggingafræðing, tímabundið í stöðu byggingafulltrúa. Hann hefur gegnt stöðu verkefnastjóra á skipulags- og umhverfissviði hjá Akraneskaupstað. Karl mun formlega taka við starfinu 1. febrúar n.k.

Stefáni Þór Steindórssyni fráfarandi byggingafulltrúa eru þökkuð góð störf og óskað velfarnaðar í nýju starfi.

 


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00