Óskað er eftir tillögum um bæjarlistamann Akraness árið 2019

Eðvarð Lárusson var bæjarlistamaður Akraness árið 2018. Hér er hann á mynd ásamt Sævari Frey Þráinssyni bæjarstjóra og Ingþóri Bergmann Þórhallssyni fyrrum formanni menningar- og safnanefndar.

Árlega útnefnir Akraneskaupstaður bæjarlistamann til eins árs í senn. Menningar- og safnanefnd Akraneskaupstaðar óskar eftir tillögum frá almenningi um bæjarlistamann Akraness árið 2019. Hér má sjá hverjir hafa verið kjörnir bæjarlistamenn Akraness í gegnum árin. 

Menningar- og safnanefnd mun fara yfir allar tillögur sem berast og verða niðurstöður kynntar á Þjóðhátíðardaginn, þann 17. júní við hátíðlega athöfn. Fólk er hvatt til að kynna sér vel þær reglur sem í gildi eru um bæjarlistamann, en reglurnar má sjá hér. Frestur til að skila inn tillögu er til og með 12. maí næstkomandi.