Fara í efni  

Óskað eftir tilboðum í verkið: Fimleikahús á Akranesi - Búnaður

Mynd tekin frá byggingarsvæði nýs fimleikshúss.
Mynd tekin frá byggingarsvæði nýs fimleikshúss.

Skipulags og umhverfissvið Akraneskaupstaðar óskar eftir tilboðum í verkið: Fimleikahús á Akranesi - Búnaður

Nýtt fimleikahús er í byggingu á Akranesi og verður tekið í notkun í vorið 2020. Verkefnið felst í því að útvega og setja upp fimleikabúnað tilbúinn til notkunar í nýju fimleikahúsi sem er í byggingu við Háholt, Brekkubæjarskóla á Akranesi.

Um er að ræða að skaffa og setja upp fyrir fimleika ýmsan búnað í gryfjur sem er lyftanlegur að hluta, ásamt trambolínbraut (fasttrack) í gryfju. Einnig skal útvega gólfdúk og rafdrifin skilrúmstjöld ásamt fullnaðarfrágangi.

Verktaki sem fær verkefnið mun þurfa að gera ráð fyrir og taka tillit til m.a. nágranna, umferð íbúa sem og annarra verktaka í og við framkvæmdasvæðið og sérstaklega mikilvægt er að verktaki taki tilliti til og lágmarki rask á skóla- og íþróttastarfi. 

Útboðsform
Um opið útboð er að ræða og er það því almennt útboð eins og lýst er í grein 1.2.2 í ÍST30. Útboð þetta er einnig auglýst á hinu evrópska efnahagssvæði (EES). Verkinu skal að fullu lokið 30. apríl 2020.

Útboðsgögn verða afhent áhugasömum frá og með þriðjudeginum 8.október 2019. Senda skal óskir um útboðsgögn á netfangið omar@vso.is. Tilboðum skal skilað í afgreiðslu bæjarskrifstofu Akranes, Stilliholti 16-18, 1. hæð, eigi síðar en þriðjudaginn 12. nóvember 2019 kl.11:00 og þau opnuð að viðstöddum þeim bjóðendum sem þess óska.


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00