Fara í efni  

Niðurrif efnisgeymslu framundan – Faxabraut lokað

Fréttin uppfærð 18. apríl 2018: Faxabrautin verður lokuð lengur en fram kemur í fyrri frétt hér fyrir neðan. Send verður út sérstök tilkynning þegar hún opnar á ný. 


Verktaki er vinnur að niðurrifi Sementsverksmiðjunnar áformar að taka niður efnisgeymslu Sementsverksmiðjunar næstu daga. Vegna þessa þarf að loka Faxabraut fyrir allri umferð, frá morgni föstudagsins 13. apríl til og með laugardeginum 21. apríl 2018. Af öryggisástæðum er mikilvægt að vegfarendur virði þessa ráðstöfun. Beðist er velvirðingar á óþægindum sem af þessu geta orðið.

Niðurrif Sementsverksmiðjunnar hefur gengið ágætlega og eru framkvæmdir á undan áætlun. Líkur eru á því að búið verði að fella mannvirki verksmiðjunnar núna í apríl. Í framhaldinu verður unnið við að mylja steypu, hreinsa járn úr steypubrotum og koma þeim fyrir í sandgryfju. Brotmálmar verða unnir á athafnasvæði verktaka og væntanlega skipað út frá Akraneshöfn.

Á næstu dögum verður gefin út könnun þar sem íbúar á Akranesi geta gefið sitt álit um örlög sementsstrompsins. Sérstök fréttatilkynning um það verður send út fljótlega.


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin alla virka daga
    kl. 09:30 - 12:00 og 12:30 - 15:30