Niðurrif á 4 mannvirkjum Akraneskaupstaðar

Nú er hafið niðurrif á 4 mannvirkjum Akraneskaupstaðar, þ.e. Suðurgötu 108, Suðurgötu 124, Dalbraut 8 og Dalbraut 10. Verktaki í þessum verkum er fyrirtækið Urð og grjót ehf.

Niðurrifi á íbúðarhúsinu á Suðurgötu 124 er að mestu lokið en lokafrágangur svæðis er eftir. Niðurrif á húsinu á Suðurgötu 108 er hafið og er áætlun verktaka að því verði lokið um 16. september. Niðurrif á mannvirkjum á Dalbraut 10 er áætlað á tímabilinu 10. september - 20. október og á Dalbraut 8 er áætlað 1. október -18. nóvember.

Meðan á niðurrifi stendur verður umferð vinnuvéla og flutningstækja um Suðurgötu og Dalbraut. Ekki er gert ráð fyrir að götum verði lokað vegna framkvæmda nema ef þess þarf í skemmri tíma og verður aðgengi íbúa tryggt eftir fremsta megni.

Í samningi um verkin eru meðal annars þessi ákvæði sem verktaki skal fylgja:

• Verktaki skal viðhalda vinnugirðingu utan um verksvæði og sjá um að hún virki eins og til er ætlast. Öll aðstaða verktaka skal vera innan vinnugirðingar.
• Við framkvæmd verksins skal verktaki haga vinnu sinni þannig að hún valdi nágrönnum og almenningi sem minnstum truflunum, s.s. í formi hávaða, ryks, foks, hruns, efnisafganga á umferðarsvæðum og gönguleiðum, o.fl.
• Berist eitthvað efni úr niðurrifi út fyrir verksvæðið skal verktaki hreinsa það strax.
• Niðurbrot skal fara þannig fram að ryk og byggingarefni berist lítið frá verksvæðinu, með vökvun og stöðugri hreinsun.
• Frágangi svæðisins í verklok verður þannig háttað að svæðið verður jafnað og malarefni dreift yfir mannvirkjasvæði.

Ef íbúar hafa einhverjar ábendingar varðandi framkvæmdirnar, þá vinsamlegast sendið tölvupóst á akranes@akranes.is og verður brugðist við honum