Elínarvegur eingöngu fyrir útivist og hestreiðar (áður Þjóðvegur).

Búið er að loka Elínarvegi norðan við Miðvogsá skv. ákvörðun skipulags- og umhverfisráðs. Þar hefur verið sett þrenging og hlið í þrenginguna. Á báðum endum Elínarvegar hefur vegurinn verið merktur sem botnlangagata.

Þetta er gert til að draga úr gegnumakstri eftir veginum annarsvegar vegna hestareiðleiðar á norðurhluta vegarins. Hinsvegar til að auka öryggi göngu- og hjólreiðafólks sem nýtir sér þessa frábæru leið til útivistar.

Hér má sjá skemmtilegar göngu- og hjólaleiðir á Akranesi.

Hliðið skal vera lokað öllum stundum, en er ekki læst svo neyðaraðilar og aðrir komist í gegn ef með þarf, en alltaf skal loka hliðinu á eftir sér.
Þetta fyrirkomulag verður fram til loka mars 2025 og verður þá endurskoðað.