Innritun í leikskóla haustið 2021 og sumarleyfi leikskólanna

Samþykkt var á síðasta fundi skóla- og frístundaráðs þann 2. febrúar 2021 að börnum sem eru fædd frá 1. júní 2019 - 31. maí 2020 verði boðið leikskólapláss á komandi skólaári.

Innritun mun fara fram fyrstu vikuna í mars og hvetjum við alla sem eiga eftir að sækja um leikskólapláss fyrir barnið sitt að fara inn á íbúagáttina og skila inn umsókn. Tilkynning mun birtast hér heimasíðu Akraneskaupstaðar þegar innritun hefur farið fram.

Á fundinum var einnig ákveðið að sumarleyfi leikskólanna sumarið 2021 verði fjórar vikur. Leikskólarnir leggi fram tillögu að lokunartíma eftir framkvæmd skoðanakönnunar meðal foreldra og að höfðu samráði við starfsmenn leikskólans.