Íbúasamráð um hugmyndir að gerð menntastefnu Akraneskaupstaðar

Sett hefur verið fram viðhorfskönnun þar sem þér gefst tækifæri til að taka þátt í mótun menntastefnu fyrir Akraneskaupstað.

Vonast er til að sem flestir komi sínum skoðunum og áherslum á framfæri með því að taka þátt.

Könnunin samanstendur af 10 spurningum sem flestar eru krossaspurningar og tekur um 5 mínútur að svara.

Könnunin er opnuð 18. október og verður opin í þrjár vikur eða til og með 8. nóvember.