Hafðu áhrif - taktu þátt!

Samband íslenskra sveitarfélaga og innviðaráðuneytið hafa hrundið af stað átaki sem miðar að því að auka þátttöku almennings um land allt í sveitarstjórnarkosningum vorið 2026 og styrkja lýðræðislega þátttöku á sveitarstjórnarstiginu. Átakinu er hvort tveggja ætlað að hvetja fólk til að bjóða sig fram og hafa áhrif með því að kjósa í kosningunum. 

Markmiðið er tvíþætt:

• Hvetja nýtt fólk til þátttöku í stjórnmálum á sveitarstjórnarstigi, með áherslu á að virkja einstaklinga sem hingað til hafa ekki tekið virkan þátt.
• Stuðla að framhaldi þátttöku núverandi kjörinna fulltrúa, þannig að þekking og reynsla haldist innan sveitarstjórna.

Bæjarráð Akraness tekur undir hvatningu Sambands íslenskra sveitarfélaga og mikilvægi átaksins. Hafðu áhrif - taktu þátt!