Fjöliðjan heldur tónleika

Undanfarin misseri hefur Máni Björgvinsson haldið utan um tónlistarnámskeið fyrir starfsfólk Fjöliðjunnar í gegnum Símenntunarmiðstöð Vesturlands.

Námskeiðin hafa gengið vel og Fjöliðjan blæs nú til tónleika í samstarfi við Símenntun til að sýna afrakstur námskeiðsins þessa önn.

Tónleikarnir munu fara fram í Tónbergi, sal Tónlistarskólans á Akranesi, miðvikudaginn 17. desember kl. 17.

Aðgangur er ókeypis og allir eindregið hvattir til að mæta.