Fab Lab smiðjan opnar fyrir almenning

Fab Lab smiðjan á Akranesi.

Fab Lab smiðjan á Akranesi verður opin fyrir almenning tiltekna daga í maímánuði. Í Fab Lab smiðjunni gefst einstaklingum tækifæri til að prófa sig áfram með því að hanna, móta og framleiða hluti með aðstoð stafrænnar tækni.

Í smiðjunni eru tölvur sem gestir hafa aðgang að og eru helstu forrit sem notuð eru í smiðjunni án endurgjalds m.a. inckape forritið. Helstu tæki í smiðjunni eru laserskeri og vinylskeri. Einnig er lítill timburfræsari en notkun hans krefst kunnáttu. Hægt er að skrá sig í tækin og kaupa efni á staðnum en einnig er hægt að koma með efni með sér. Leiðbeinandi í smiðjunni er Þórey Jónsdóttir. Smiðjan er til húsa í verknámshúsi Fjölbrautaskólans á Vesturlandi og er opin eftirfarandi daga frá kl. 17-21:

• 5. maí
• 6. maí
• 7. maí
• 12. maí
• 13. maí
• 19. maí
• 20. maí
• 21. maí
• 26. maí
• 27. maí
• 28. maí