De:LUX ljósalist á Breið 2. og 3. nóvember

Þann 2. og 3. nóvember verður glæsileg ljósalistasýning á Breið milli kl. 19:00-21:00. Sýningin er hér til komin sem hluti af dagskrá Vökudaga og verður henni varpað á gamla olíutankinn á Breið. Þeir sem standa að sýningunni er framleiðslufyrirtækið Einkofi í samstarfi við Factory light festival og verður sérstakur tónlistarflutningur í tengslum við verkefnið frá Hafdísi Bjarnadóttur og Parallax þann 2. nóvember kl. 18:00 í vitanum. Verkefnið er jafnframt styrk af Akraneskaupstað, Vinum Hallarinnar, Nordisk Kulturfond og Creative Europe. Heiðrún Þráinsdóttir Kelly, skagakona hefur staðið þétt að því að koma verkefninu í farveg hérlendis og til Akraness.

De:LUX er samnorrænt tónlistar og ljósalistaverkefni þar sem áhersla er lögð á að vinna nýtt verk innan ákveðins tímaramma og á ákveðnum stað. Fyrsta útgáfa (1st Edition) verkefnisins fór fram í Slemmestad í Noregi í byrjun September þar sem nýju verki var varpað á gamlan iðnaðarturn og sýnt sem hluti af Factory Light Festival. Unnið verður að nýju verki með hópi íslenskra og norskra listamanna og verður sem áður segir verkinu varpað á gamla olíutankinn á Breið. 

Gestum og gangandi er velkomið að upplifa tónlist og ljósalist á einstökum stað

Nánar um viðburðinn hér á facebook