Hreinsunarvika í næstu viku

Í næstu viku, dagana 27. apríl - 4. maí, verður svokölluð Hreinsunarvika í bænum, en þá gefst íbúum tækifæri til að hreinsa garða sína og losa það sem til fellur í nágrenninu.

Opnum gámum fyrir garðaúrgang verður komið fyrir á þremur grenndarstöðvum í bænum, þ.e. við Bíóhöllina, aftan við Krónuna og við safnasvæðið. Gámarnir verða á þessum stöðum í sjö daga, frá og með mánudeginum.

Við hvetjum íbúa til að nýta þetta tækifæri til að huga að nærumhverfi sínu nú í sumarbyrjun.

Þess má geta að Stóri plokkdagurinn verður á sunnudag og allsherjar götusópun hefst í dag, svo ef vel gengur ætti bærinn að verða skínandi fínn í lok næstu viku.