Badmintonfélag Akraness starfandi í hálfa öld

Badmintonfélag Akraness fagnaði í gær 50 ára afmæli sínu, en félagið var stofnað þann 11. nóvember árið 1976. Sturlaugur Haraldsson bæjarstjóri mætti á opið hús sem félagið hélt af því tilefni og færði formanni félagsins, Arnóri Tuma Finnssyni, blóm í tilefni dagsins. Fjölmargir litu við í íþróttahúsinu þar sem gestum gafst kostur á að grípa í spaða, rifja upp gamla takta og njóta samverunnar.

Um 50 börn æfa badminton hjá ÍA í dag og þeim fer fjölgandi. Mikill kraftur er í starfinu, en félagið hefur alið af sér ófáa afreksmenn og -konur í íþróttinni frá stofnun þess.

Við færum badmintonfélaginu innilegar hamingjuóskir með stórafmælið með kærum þökkum fyrir þeirra framlag til íþróttalífs bæjarins í gegnum tíðina.

Til gamans látum við fylgja gamla frétt úr “Umbroti” frá árinu 1979, en þá stóð félagið fyrir stórmóti í badmintoni. Félagið var þá aðeins þriggja ára gamalt og ef marka má fréttina var félagið þá þegar orðið annað sterkasta Badmintonfélag landsins.