Fara í efni  

Auglýst eftir umsóknum í viðhaldssjóð fasteigna á Akranesi

Skipulags- og umhverfisráð Akraneskaupstaðar auglýsir eftir umsóknum í viðhaldssjóð fasteigna á Akranesi. Hlutverk sjóðsins er að veita styrk til endurgerða eða viðgerða á ytra byrði húsnæðis eða öðrum mannvirkjum á Akranesi til að bæta ásýnd ákveðinna svæða í umdæmi Akraneskaupstaðar.

Fasteignaeigendur neðangreindra svæða geta sótt um styrk að þessu sinni:

  • Mánabraut
  • Suðurgata frá Akursbraut að Skagabraut
  • Merkigerði frá Suðurgötu að Kirkjubraut
  • Sunnubraut
  • Akurgerði frá Suðurgötu að Kirkjubraut

Umsókninni skal fylgja greinargóð verklýsing/teikningar af fyrirhuguðum framkvæmdum ásamt kostnaðaráætlun. Fyrirspurnir um sjóðinn skulu berast til byggingarfulltrúa í síma 433-1000 eða í tölvupósti á akranes@akranes.is. Vakin er athygli á því að byggingarfulltrúi er með síma- og viðtalstíma alla daga frá kl. 11-12. Umsóknarfrestur er til og með 23. apríl næstkomandi.

Í samræmi við 5. gr. reglna um styrki til viðhalds fasteigna á Akranesi er styrkur greiddur út þegar lokið er við framkvæmdir sem nemur a.m.k. tveimur þriðja þeirra framkvæmda sem styrkbeiðnin er um. Jafnframt þarf Akraneskaupstaður að greiða styrkinn út fyrir árslok 2017. Vakin er athygli á að veittur styrkur fellur undir lög um tekjuskatt nr. 90/2003.

Hér er hægt að kynna sér nánar reglur sjóðsins


   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00