Auglýsing vegna breytinga á deiliskipulagi Höfðasels og Æðarodda.

Breyting á deiliskipulagi Höfðasels (1039/2026) á Akranesi.

Tillagan felur í sér breytingu á gatnakerfi, þar sem gert er ráð fyrir tengingu Grjótkelduflóa við Akrafjallsveg ásamt tengingu við skipulagssvæði Æðarodda. Skipulagsmörk deiliskipulagsins haldast óbreytt og breytingin hefur ekki áhrif á landnotkun, byggingarmagn eða nýtingarhlutfall lóða innan svæðisins. Gert er ráð fyrir að endanleg útfærsla gatnamóta við Akrafjallsveg verði unnin í samráði við Vegagerðina.

Samþykkt var á fundi bæjarstjórnar þann 25. ágúst 2026 að tillaga að breytingu á deiliskipulagi Höfðasels verði auglýst skv. 1. mgr. 43. gr. skipulagslaga nr. 123/2010.

Hægt er að setja fram athugasemdir á Skipulagsgátt. Athugasemdir skulu vera skriflegar og berast skipulagsfulltrúa í síðasta lagi 19. október 2026 í gegnum Skipulagsgátt.

Breyting á deiliskipulagi Æðarodda (1040/2026) á Akranesi.

Tillagan felur í sér breytingu á gatnakerfi og útfærslu tengingar við Akrafjallsveg ásamt lokun núverandi tengingar milli Grjótkelduflóa og Æðarodda. Tillagan er unnin samhliða breytingu á deiliskipulagi iðnaðarsvæðis í Höfðaseli þar sem um er að ræða sömu gatnamót og sömu tengingu við Akrafjallsveg. Gert er ráð fyrir að endanleg útfærsla gatnamóta við Akrafjallsveg verði unnin í samráði við Vegagerðina.

Samþykkt var á fundi bæjarstjórnar þann 25. ágúst 2026 að tillaga að breytingu á deiliskipulagi Höfðasels verði auglýst skv. 1. mgr. 43. gr. skipulagslaga nr. 123/2010.

Hægt er að setja fram athugasemdir á Skipulagsgátt. Athugasemdir skulu vera skriflegar og berast skipulagsfulltrúa í síðasta lagi 19. október 2026 í gegnum Skipulagsgátt.