Fara í efni  

Akraneskaupstaður auglýsir stöðu félagsráðgjafa

02.12.2025 Almennt - tilkynningar
Akraneskaupstaður auglýsir stöðu félagsráðgjafa
Velferðar- og mannréttindasvið Akraneskaupstaðar auglýsir stöðu félagsráðgjafa í samþætta farsældar- og barnaverndarþjónustu. Um er að ræða 100% tímabundna stöðu til eins árs. Leitað er eftir félagsráðgjafa með starfsréttindi í félagsráðgjöf eða aðra sambærilega háskólamenntun sem nýtist í starfi.

Æskilegt er að viðkomandi geti hafið störf sem fyrst. Hægt er að sækja um starfið hér. 

Helstu verkefni og ábyrgð
  • Ábyrgð á allri almennri vinnslu barnaverndarmála.
  • Bakvaktir í barnavernd.
  • Greining á þjónustuþörfum barns og fjölskyldu þess.
  • Veita ráðgjöf og upplýsingar um vernd barna og þjónustu í þágu farsældar barns.
  • Bera ábyrgð á málstjórn í stuðningsteymum þar með talið ráðgjöf og upplýsingar um samþættingu þjónustu.
  • Gerð og eftirfylgd meðferðar- og stuðningsáætlana sem og mat á árangri.
  • Teymisvinna og samstarf við lykilstofnanir og hagsmunasamtök í málefnum barna.
  • Þátttaka í þverfaglegu samstarfi innan sveitarfélagsins og utan þess.

Menntunar- og hæfniskröfur
  • Starfsréttindi í félagsráðgjöf eða önnur háskólamenntun sem nýtist í starfi á sviði heilbrigðis- eða félagsvísinda.
  • Víðtæk þekking og reynsla af þjónustu við börn og fjölskyldur.
  • Þekking og reynsla af vinnslu barnaverndarmála.
  • Hæfni til að tjá sig í ræðu og riti.
  • Þekking á lagaumhverfi og stjórnsýslu sveitarfélaga og ríkis er kostur.
  • Framúrskarandi hæfni í mannlegum samskiptum og lausnamiðuð viðhorf.
  • Metnaður, frumkvæði, skipulagshæfni og sjálfstæði í starfi.
  • Íslenskukunnátta (B2 samkvæmt samevrópskum tungumálaramma).
  • Hreint sakavottorð í samræmi við lög og reglur.

 
Athygli er vakin á því að starfið hentar öllum kynjum og eru öll hvött til að sækja um. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

Umsóknarfrestur er til 15. desember 2025.

Nánari upplýsingar veitir Sólveig Sigurðardóttir, deildarstjóri farsældarþjónustu barna solveigs@akranes.is eða Hildigunnur Árnadóttir, sviðsstjóri verlferðar- og mannréttindasviðs hildigunnur@akranes.is eða í síma 433-1000.

Til baka

Fannst þér efnið á síðunni hjálplegt?

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-12:00

 

Heilsueflandi Samfélag
Fyrirmyndarstofnun 2018
Jafnlaunavottun - merki