Akranes í átt að Barnvænu sveitarfélagi

Akraneskaupstaður innleiðir nú Barnasáttmála Sameinuðu þjóðanna í alla sína stjórnsýslu og starfsemi. Markmiðið er að verða Barnvænt sveitarfélag!

Líkja má innleiðingunni við að starfsfólk og kjörnir fulltrúar sveitarfélagsins setji upp „barnaréttindagleraugu” og rýni og skoði verk- og ákvarðanaferla með hliðsjón af Barnasáttmálanum. Sáttmálinn er þannig nýttur sem gæðastjórnunarverkfæri í stefnumótun og þjónustu með tilliti til barna.

Í meðfylgjandi myndbandi má sjá stutt myndbrot um mannréttindi.

Mannréttindi eru réttindi sem eru okkur nauðsynleg til þess að lifa sem manneskjur. Þau snúast um að allir fái haldið mannlegri reisn.