Fara í efni  

Aftakaveður framundan - ráðstafanir á Akranesi

Það hefur eflaust ekki farið framhjá neinum að búið er að lýsa yfir óvissustigi á landinu vegna óveðurs. Óvissustig er sett á þegar grunur vaknar um að eitthvað sé að gerast af náttúru- eða mannavöldum sem á síðari stigum gæti leitt til þess að heilsu og öryggi fólks, umhverfis eða byggðar sé ógnað. Appelsínugul viðvörun er í gildi fyrir Vesturland og þýðir það að það séu miðlungs eða miklar líkur á veðri sem geti valdið miklum samfélagslegum áhrifum, tjóni, eða slysum og hugsanlega ógnað lífi og limum ef aðgát er ekki höfð.

Ráðstafanir sem teknar hafa verið á Akranesi vegna framangreinds eru eftirfarandi:

  • Skólastarf hófst með venjulegum hætti í morgun en foreldrar skulu sækja börnin sín í grunnskólana í lok skóladags en ekki seinna en kl. 15:00. Sama á við um í leikskólum og skulu börn sótt þangað ekki seinna en kl. 15:00.
  • Frístund 1.-4. bekkjar fer fram innan veggja skólanna og eru því 3. og 4. bekkur ekki sendir í Þorpið í dag, foreldrar skulu sækja börnin sín fyrir kl. 15:00.
  • Íþróttamannvirki verða lokuð frá kl. 15:00 og hafa íþróttafélög aflýst öllum æfinga sem áttu að fara fram í dag.  
  • Skólastarf Tónlistarskólans hefur verið fellt niður eftir kl. 15:00. Foreldrar skulu sækja börnin sín í þá æfingartíma sem fara fram fyrir þann tíma.
  • Fjöliðjan lokar kl. 12:00 í dag vegna veðurs. 

Lokanir skóla og stofnana eru tilkomnar vegna öryggisráðstafana og enginn ætti að vera á ferli í veðri eins og spáð er. Íbúar eru því hvattir til þess að vera ekki utandyra og halda sig heima fyrir á meðan veðrið gengur yfir. Íbúar og verktakar eru jafnframt beiðnir að ganga frá öllum lausamunum í umhverfi sínu.

Fólk er beðið um að fylgjast vel með veðri í fjölmiðlum og fylgja tilmælum yfirvalda. Nánari upplýsingar og eftirlit um veðrið má skoða hér:


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00