112 dagurinn á Akranesi

Þann 11. febrúar ár hvert er 112 dagurinn haldinn. Í ár verður opið hús hjá Slökkviliði Akraness og Hvalfjarðarsveitar frá kl. 16-18. Fróðleg og skemmtileg dagskrá er í boði, meðal annars kynning á starfi Slökkviliðsins og Björgunarfélags Akraness. Lögreglan og sjúkraflutningsmenn verða á staðnum sem og einnig fulltrúi frá Rauða Krossinum sem mun kynna þjálfun í skyndihjálp.

Þá mun slökkviliðsstjórinn, Þráinn Ólafsson, afhenda verðlaun til nemanda í 3. bekk vegna getrauna í eldvarnarátakinu en hún er haldin ár hvert hjá grunnskólanemendum í þriðja bekk og er  á vegum Landsambands slökkviliðs- og sjúkraflutningsmanna.

Allir velkomnir  og eru bæjarbúar hvattir til að taka þátt í dagskránni.